Euskal Herriko mendiak eta Euskal Herriko ibaiak bi karta-joko sorta dira. Bakoitza, 40 kartaz osatua dago eta bi jolas desberdinetara jolas daiteke beraiekin, kateto jokora eta familien jokora. Familian zein lagunartean jolasteko asmoarekin diseinatuak izan dira, eta bide batez, modu ludiko batean, zeharka eta nahi gabe, gure herriko mendi eta ibai esanguratsuenei buruzko informazioa ezagutu eta ikasi egin daiteke. Bost azpitalde nagusitan banatu dira (Araba, Bizkaia, Gipuzkoa, Iparralde eta Nafarroa) eta lurralde bakoitzetik 8 ibai eta mendi garrantzitsu agertzen dira. Iparraldea Euskal Herriko hiru probintzik osatzen dute (Lapurdi, Baxenafarroa eta Zuberoa).

Jokoak, batez ere, prestatuta daude Euskal Herriko eskola eta ikastoletan gure seme-alabek geure lurraldea bere osotasunean ikusi eta berau barnera izan ahal dezaten. Gaur egungo liburu editorial atzerritarrek erakutsi nahi digutenari aurre egin nahian. Liburu askotan ageri da, adibidez, Euskadiko edo Euskal autonomi erkidegoko mendirik altuena Aitxuri, Aketegi edo Aizkorri direla, nik ordea, ezagutzera eman nahi dut Euskal Herriko mendirik altuena Hiru erregeen maila dela, Euskararen Herria bere osotasunean harturik.

Kartak kalitatezkoak izango dira, nukleo opaku eta UV bernizdun 305 gramotako naipe bereziak. Estaltzeko kartoizko kutxa pertsonalizatua izango dutelarik. Bideoan agertzen diren karta horiek kartulinatan inprimatutako proba merke bat besterik ez da.

Jokoaren azalpena:

KATETO JOKOA (2 eta 8 jokalari bitartean)

Lehenik eta behin, karta guztiak banatuko dira jokalarien artean. 

Norberak bere multzoa ikusi egin barik, buruz behera ipiniko du.

Txanda, jokalari gazteenak hasiko du eta ondoren erlojuaren norabidean jarraitu. 

Guztiek emango diote bere multzoko lehen kartari buelta (gainontzekoek ez ikusteko moduan).

Ezaugarrietatik bat aukeratu eta ozen esango du (Iturburua, Luzeera, Arroa, ur emaria edo euskal probintziak).

Emaitza altuena daukanak txandako karta guztiak batu eta bere multzoaren azpira pasako ditu.

Berdinketa bat egongo balitz, berdindu egin  duten jokarien artean, hurrengo karta bat atera eta ezaugarri berean balio altuena duenak irabaziko du txanda, ondorioz, jokoan dauden karta guztiak.

Jokoaren helburua beste jokalari guztien kartak eskuratzea da.

Aldaerak:

Bi jokari daudenean, partida gehiegi luzatuko balitz, adostu zenbat txandaren ostean amaitu eta karta gehien dituena izango da irabazlea.

Hiru jokalari edo gehiago daudenean, batek, karta guztiak galtzen dituenean, besteek euren multzoetako kartak zenbatu, eta gehien dituena izango da irabazlea.

Beste aldaera izan daiteke, irabazleak aukeratzea beti ezaugarria, galdu arte.

FAMILIA JOKOA (3 eta 8 jokalari bitartean)

Jokalarien artean banatu karta guztiak eta zoriz aukeratu nor hasiko den. Lehen jokalariak beste edozeini eskatuko dio eskuratu nahi duen ibai (edo mendi) bat, betiere, lurralde bereko kartaren bat baldin badauka. Edukiko balu, ematera derrigortua dago eta honek, galdetzen jarraituko luke, huts egin arte. 

Orduan, txandan hurrengoa dena hasiko da karta eskean, huts egin arte. 

Norbaitek lurralde bereko zortzi ibaiak lortzean, karta-multzo hori jokotik erretiratu eta puntu bat eskuratuko du. Guztira, bost puntu daude jokoan. Lurralde bakoitzeko, bana.

Eredu gisa:

Araba: Arakil, Baia, Ebro, Ibaiuda, Jugalez, Omecillo, Puron eta  Zadorra.

Bizkaia: Artibai, Barbadun, Butroe, Kadagua, Ibaizabal, Lea, Nerbioi eta Oka.

Gipuzkoa: Araxes, Bidasoa, Deba, Leitzaran, Oiartzun, Oria, Urola eta Urumea.

Iparralde: Aldude, Arhan, Aturri, Biduze, Errobi, Irati, Uhaitzandi eta Urdaxuri.

Nafarroa: Aragoi, Arga, Ega, Ezka, Ultzama, Urederra, Zaraitzu eta Zidakos.

Mendien jokoaren kasuan 5 ezaugarri daude: Altuera, prominentzia, kategoria, mendilerroa eta Euskal probintziak.

Ibai batzuek probintzia bat baino gehiago busti arren, jokoa burutu ahal izateko, lurralde bakar baten barruan sartzea erabaki da eta kolore desberdinez zehaztuta daude bostak. 

Iparraldeko hiru probintziak kolore batean elkartzea erabaki dut lurralde guztietako ibai handi eta esanguratsuenak sartu ahal izateko.