Duela urte bete inguru pandemia gurera iritsi zenenean, musika emanaldi guztiak bertan behera gertau ziren. Kasualidadez edo, une horretan bertan, www.musikazuzenean.com atari digitalak ere eztanda egin zuen barnetik. 2010 urtean abitu genuen egitasmoa, eta hamar urte eta gero, webgunea arazoak ematen hasi zen, eta bazpare, Off line jarri beharrean izan ginen.

Geroztik ez da sarean egon. Badakizue, gauza teknikoak! Urtebete eta gero esan dezakegu MusikaZuzenean atari berria sortzen ari garela. Euskal Herriko musika eszenak behar du agenda kontsultatzeko gune digital bat, eta hortara dator musikazuzenean webgune berria. Egitasmoa aurrera eramateko azken bultzada bat behar dugu, eta itsulapiko honen bidez eman nahi dugu azken pausoa.

2010 urteko urrian zintzilikatu genuen lehen aldiz www.musikazuzenean.con webgunea sarean, eta hamar urteetan zehar milaka zuzeneko emanaldien berri eman dugu gure agenda atalean. Astero astero, gure herrietan egiten diren emanaldiak zuen eskura jarri ditugu, gure musika eszena bizia zuen aukeren esku utziz. Urtebeteko etenaldiaren ondoren, berriz gatoz bueltan.

2021ko irailean zintzilikatu nahi dugu webgune berria, eta berriz ere, zuzeneko musikaren bozgorailu bilakatu. Eta horretarako zuen laguntza behar dugu.

Webguneaz gain, ugariak dira urte hauetan guztietan egin ditugun ekintza eta ekimenak. Hemen horietako batzuk.

DURANGOKO AZOKA
Durangoko Azokan Standa jartzen dugu urtero. Bertan, auto-ekoizpen bidez diskoa ateratzen duten musika talde eta bakarlariak biltzen ditugu, azokaren zirrikituetan barna, aukera bat emanez egitasmo berri eta auto-gestionatuei.

KONTZERTU AKUSTIKOAK
Urteak dira Jaialdi Akustikoak egiten hasi ginela. 2011 urtean egin genuen lehena Elorrion, eta geroztik, Andoainen, Oreretan, Urnietan eta Usurbilen egin ditugu. Guztira, formatu txikiko 50 egitasmotik gora batu ditugu emanaldi berezi hauetan.

TB SAIOA
Hamaika Telebistaren elkarlanean musika saio bat ekoizten dugu astero. Azken hiru urteetan, 144 saio burutu ditugu, elkarrizketa eta erreportajeen bidez Euskal Herriko enstegu lokaletan gertatzen dena pantaila handira ekarriz.