Baizera! Funka sartu
Baizera! taldea gara. Gure proiektu berria aurrera eramateko beharrezkoa dugun dirua lortzeko egiten dugu crowdfunding hau.
Covid-ak sortu zuen egoerak, gure dirusarrera bakarra lortzeko aukerarik gabe geratu ginen, kontzertuak hain zuzen ere. Hortaz, gure diska eta merchandisinga aurrez erosteko aukera eman nahi dugu, horrela gure proiektua aurrera eramateko behar dugun dirua lortzeko.
Proiektuak, gure bigarren diska (estudio eta produkzioa Estudios Mussikkiren eskutik) eta honen barruko bi abestien bideoklipa (WeFeelmen eskutik), baita diseinua (Iñaki Tristánen eskutik) ere barne hartzen ditu.
Ikusten duzuen bezala, Crowdfunding honekin batera gure proiektu berriko abesti baten bideoklipa aurkeztu dugu, proiektuaren nondik norakoak ikus eta entzun ditzazuen. Diska honetan gure musika Funk estilora hurbildu nahi izan dugu, eta lortu dugun emaitza horren adierazgarri dela ere argi dugu. Gainera, hiru kide berriek (Peio tekla eta saxo tenorrean, Xabi tromboiean eta Oihan ahotsetan) freskotasuna eman diote bai gure musikari bai talde berari ere.
Bestalde, uste dugu gure lana aurkezteko modurik egokiena zuzenekoak direla. Beraz, zure auzo, herri, elkarte, etxean... nahi bagaituzu, gogoz hartuko dugu proposamena, gurekin kontaktuan jarri eta nondik norakoak zehaztu ahal izango dugu. Zuek ere dantzan ikusi nahi zaituztegu!
Jakin ezazue gure eskerrik beroenak ematen diogula honaino iritsi den orori, edozein laguntza, txikiena izanda ere, oso garrantzitsua baita guretzat.
Besterik gabe, prestatu zuen gerriak eta atera zuen jantzirik gustokoenak, Funkya Nafarroako hiriburura iritsi da eta! Segi kultura zaintzen!
Make it funky txo!
Itsulapikoa.eus está bajo una Licencia Creative Commons Reconocimiento-NoComercial-CompartirIgual 4.0 Internacional.